KIA Gullhringurinn

Allt um keppnina

Allir hjóla, allir vinna! KIA Gullhringurinn er af mörgum talin skemmtilegasta hjólreiðakeppni á Íslandi. Við leggjum áherslu á að allir hafi gaman af og allir fái að njóta sín. Komdu með og eigðu frábæran dag með okkur!

Hjólaðu í náttúrunni við Laugarvatn

KIA Gullhringurinn er umfangsmesta og ein vinsælasta og skemmtilegasta hjólreiðakeppni landsins. Keppnin er haldin á Laugarvatni ár hvert og hjólað um margar þekktustu náttúruperlur Íslands um leið og hjólað er um þekktustu söguslóðir þjóðarinnar, Skálholt, Bræðratungu svo ekki sé nú minnst á Þingvelli.

KIA Gullhringurinn

Allir hjóla - Allir vinna - Allir velkomnir!

Mottó KIA Gullhringsins er “Allir hjóla, allir vinna og allir velkomnir” og er hægt að velja sér vegalengd eftir getu hvers og eins úr þremur mismunandi keppnisstigum. Allt þekktasta hjólreiðafólk landsins hefur hjólað KIA Gullhringinn og það sem skemmtilegra er að nýliðar í sportinu hafa notað KIA Gullhringinn sem fyrstu keppnina sína og þannig formlega innkomu sína í sportið. Mundu #kiagull.

KIA Gullhringurinn

Innifalið með skráningu í KIA Gullhringinn

KIA Gullhringurinn

Notalegt í Fontana

Gjafakort með aðgang að Fontana laugunum sem hægt er að nota á keppnisdag eða hvenær sem hentar í ár frá keppnisdegi

KIA Gullhringurinn

Gjafapoki

KIA Gullhrings keppnispokinn með Snickers, orkudrykkjum og ýmislegu gagnlegu frá samstarfsaðilum keppninnar

KIA Gullhringurinn

Keppnisbolurinn

Allir fá hinn margrómaða KIA Gullhrings keppnisbol sem er nú bara ansi flottur

KIA Gullhringurinn

Grill og með því

Eftir keppnina komum við öll saman og grillum út í náttúrunni og fögnum í lok keppninnar

Hvenær er keppnin

Opnað verður fyrir skráningu í KIA Gullhringinn fimmtudaginn 21. mars 2019 komandi klukkan 12:00. Fjölda takmarkanir hafa verið settar á mótið í ár og verða ekki fleira en 500 keppendur skráðir til leiks. KIA eigendur fá að skrá sig frá og með 19. mars en þeim er bent á að fylgjast með Facebook síðu KIA á Íslandi með nánari leiðbeiningar. Keppnin verður svo haldin 31. ágúst 2019.

Keppnin var stofnuð árið 2012 og hefur verið haldin um sumar ár hvert síðan og safnast keppendur saman á Laugarvatni yfir daginn og eiga skemmtilegan dag. Ræsing keppninnar er kl 16:00 í samráði við Vegagerðina og Lögreglu. Kl 15:45 hjóla keppendur að Menntaskólanum á Laugarvatni þar sem haldinn er brautarfundur þar sem farið er yfir stöðu brautar og hvað ber að hafa í huga og hugsanlega varast. Í framhaldi af því eru keppendur í öllum stigunum ræstir með stuttu millibili frá kl 16:00.

Dagskráin

  • Kl. 10.00 – Bílastæðin fyrir keppendur eru opnuð; þau eru fyrir innan sundlaugina og Fontana en þar er stórt og mikið plan og nægt pláss fyrir alla.
  • Kl. 10.00-16.00 – Afgreiðsla í Fontana opnar. Hægt er að sækja ósótt gögn og kaupa svokallaðar „last minute“ keppnisflögur fyrir þá sem ákveða að taka þátt á síðustu stundu.
  • Kl. 15.45 – BRAUTARFUNDUR á planinu hjá Hótel Eddu Menntaskólanum á Laugarvatni og ræst í hollum þaðan.
  • Kl. 16.00 – KIA GULLHRINGURINN 2018 RÆSTUR.
  • Allir flokkar ræstir saman; nokkrar mínútur á milli ræsingar flokka. 
  • 18:30 Grillpartý SS og Holta byrjar við vesturenda íþróttahússins
  • 21.00 – Verðlaunaafhending í íþróttahúsi Menntaskólans við Laugarvatn
  • 22.00 – Mótslit Kia Gullhringsins 2019

Þú verður færð/ur yfir á skráningarsíðu okkar hjá samstarfsaðila okkar, Competiz sem sér um skráningu og greiðslutöku fyrir keppnina.

Meira er bara hjólakeppni

Þegar keppendur koma í mark er öllum keppendum boðið í grillveislu og í Fontana laugarnar á meðan að húsrúm leyfir. Þeir sem ekki komast að í Fontana eiga inni gjafabréfið sitt og geta nýtt það í allt að eitt ár frá keppni.

Tugir brautarvinninga og bætt heilsa tryggja síðan öllum verðlaun með einum eða öðrum hætti.

Gisting, veitingar og svæðið í kring

Keppninni er stýrt frá Laugarvatnt, þar eru fyrsta flokks tjaldstæði, farfuglaheimili, hótel og hostel. Náttúrulindin á Fontana tekur vel á móti öllum og veitingastaðir allt pylsunum í Samkaupversluninni að fimm stjörnu veitingahúsum eins og Lindinni.

Hótelin eru með aðstöðu til að geyma hjólin í læstum skúr en engin ábyrgð er tekin á þeim. Fínt er að geta fengið sér vel af grillinu og einn, tvo kalda og leggja sig svo bara á Laugarvatni og njóta náttúrunnar og taka jafnvel aðra umferð í Fontana morguninn eftir. Skoðaðu framboðið hjá Hótel Edda. Þá er einstaka sinnum laust herbergi á hinum rómaða Héraðsskóla, sem er blanda af hóteli og svefnpokagistingu sem vel er þess virði að skoða betur. Fyrir þá sem ná að panta þar segjum við bara „vel gert“, það er toppurinn.  Tjaldsvæðið Laugarvatni er opið og þangað eru allir velkomnir. Síminn hjá umsjónarfólkinu til að taka frá stæði og annað er 615-5848. Þá er einnig hægt að nota netfangið: smidsholt@gmail.com.

Við mælum með Lindinni upp á veitingar, sem hefur stutt við bakið á keppninni okkar frá því að við byrjuðum að halda hana sumarið 2012.

Öryggi í hávegum haft

Mótstjórnin er á Laugarvatni og gríðarleg áhersla er lögð á öryggi keppenda. Á mótsvæðinu er læknir með búnað til minni aðgerða og á mótsvæðinu er einnig fullbúinn sjúkraflutningabíll og fjöldi björgunarsveitarmanna. Eftir alvarlegt slys í keppninni sumarið 2017 hefur þessi viðbúnaður verið aukin enn meira. Frá og með keppninni 2018 verða í fyrsta sinn lokanir og lögreglu með stærstu hópum keppninnar.

Hjólreiðakeppnismenningin hefur breyst hratt á síðustu árum og nú hjóla saman mun stærri og öflugri hópar hjólreiðafólks í keppnum en hér á árum áður. Margir byrjendur koma inn í sportið af mikilli líkamlegri getu og eiga jafnvel auðvelt með að vera í fremstu röð en það segir ekkert til um það hvort þeir hinir sömu kunni að vera í hóp fremstu hjólreiðamanna. Þar er margt að varast og aðstæður geta breyst mjög hratt.

Kynntu þér reglurnar og öryggis punkta rækilega áður en þú skráir þig og komdu með og eigðu frábæran dag með stórum hópi hjólaáhugafólks jafnt sem og pro hjólreiðafólks. Við hlökkum til að sjá þig!

Skráningargjald

  • Frá febrúar til 2.apríl 8.500.- kr.
  • Frá 3. apríl til 4. maí 9.800,- kr.
  • Frá 5. maí til 22. ágúst 12.900,- kr.
  • Á keppnisdag milli 13:00 og 17:00 er hægt að skrá* sig til leiks fyrir
  • 14.900 – þá getum við ekki tryggt að keppnisbolur fáist eða aðrar keppnisgjafir fylgi – en frítt í Fontana fylgir

Meira um skráningu hérna

Þú verður færð/ur yfir á skráningarsíðu okkar hjá samstarfsaðila okkar, Competiz sem sér um skráningu og greiðslutöku fyrir keppnina.

#kiagull

Sponsor KIA
Sponsor Tag Heuer
Sponsor Fontana
Sponsor Garmin
Sponsor Snickers
Sponsor Snickers
Sponsor Snickers

Fáðu keppnisblaðið beint!

Gakktu í hóp fríðan flokk af fólki sem fær nýjustu fréttir af keppninni ásamt skemmtilegum tengdum greinum og molum varðandi hjólreiðar á Íslandi og víðar.

© KIA Gullhringurinn 2012 - 2019
Website by: Gasfabrik